نئے ڈی جی آئی ایس آئی کی تعیناتی واپس؟پاکستانی سوشل میڈیاپر افواہوں کا بازار گرم ہوگیا

راولپنڈی(قدرت روزنامہ)انٹرسروسز انٹیلی جنس ایجنسی (آئی ایس آئی ) کے ڈائریکٹر جنرل (ڈی جی) فیض حمید کو کور کمانڈر پشاور تعینات کیاگیا جبکہ ان کی جگہ پر کورکمانڈر کراچی لیفٹیننٹ جنرل ندیم احمد انجم کو تعینات کیا گیا، نئے ڈی جی آئی ایس آئی کی تعیناتی کے بعد پاکستانی سوشل میڈیا پر افواہوں کا بازار گرم ہے ،جہاں کچھ لوگ اس تعیناتی پر سوال اٹھا رہے ہیں تو کچھ ایسے اشارے دے رہے ہیں جیسے سب معمول کے مطابق نہیں . سینئر صحافی سید طلعت حسین نے ٹوئٹر پر لکھا کہ ’نئے ڈی جی آئی ایس آئی جنرل ندیم کی تقرری اور دیگر تقرر وتبادلے جن کا آئی ایس پی آر نے اعلان کیا ، کیا شرمناک گڑبڑہوئی، یہ نازک وقت میں نازک فیصلے ہیں،ایسا سلوک نہیں کیا جاسکتا جیسا فردوس عاشق اعوان اور فیاض الحسن چوہان کے ساتھ کیاگیا‘ .

What an embarrassing mess has been made of the new DG ISI Gen Nadeem’s appointment and all others related to this reshuffle that ISPR announced. These are critical decisions in critical times. Cant be treated like those about Firdous Ashaq Awan and Fayazul Hasan Chouhan.

— Syed Talat Hussain (@TalatHussain12) October 8, 2021

عمر چیمہ نے لکھا کہ ’پہاڑی پر موجود درویش کا اصرار ہے کہ ٹویٹر والا مجاہد حساس ذمہ داریوں کیلئے بہتر ہے جبکہ مرد مجاہد کی نگاہ نے کسی اور کو چن لیا، جس کے سبب ابھی تک کی صورتحال اصرار اور انکار کے درمیان لٹکی ہوئی ہے‘ .

پہاڑی پر موجود درویش کا اصرار ہے کہ ٹویٹر والا مجاہد حساس ذمہ داریوں کیلئے بہتر ہے جبکہ مرد مجاہد کی نگاہ نے کسی اور کو چن لیا، جس کے سبب ابھی تک کی صورتحال اصرار اور انکار کے درمیان لٹکی ہوئی ہے

— Umar Cheema (@UmarCheema1) October 8, 2021

اعزاز سید نے بتایا کہ ’آج وزیرا عظم عمران خان ایک اہم میٹنگ کرنے جارہے ہیں‘ . یاد رہے کہ قومی سلامتی کمیٹی کا اجلاس ہوا ہے جس میں سویلین کے علاوہ عسکری قیادت نے بھی شرکت کی .

.Today PM @ImranKhanPTI to host an important meeting.

— Azaz Syed (@AzazSyed) October 8, 2021

صحافی رضوان رضی نے لکھا کہ ’مہاتما کا کہناہے کہ پوسٹنگ ٹرانسفر تو ویسے ہی ہو گی جیسے پنجاب میں ہوتی ہے . ہر ڈی پی او اور ڈی سی او کو ضلع بیچا جاتا ہے . آگے سے جواب آیا کہ "سات گھر تو ڈائن بھی چھوڑ دیتی ہے“،بس اسی پر پھڈا بنا ہوا ہے‘ .

مہاتما کا کہناہےکہ پوسٹنگ ٹرانسفر تو ویسے ہی ہو گی جیسے پنجاب میں ہوتی ہے . ہر ڈی پی او اور ڈی سی او کو ضلع بیچا جاتا ہے . آگے سے جواب آیا کہ "سات گھر تو ڈائن بھی چھوڑ دیتی ہے" بس اسی پر پھڈا بنا ہوا ہے اور حکومت کے حق میں بولنے والی سوشل میڈیا ٹیم دو حصوں میں تقسیم ہے . آہو

— Rizwan Razi™ (@realrazidada) October 8, 2021

انیق ناجی نے بھی دعویٰ کیا کہ ’لڑائی تو ن اور ش میں ہونی تھی مگر پھوٹ کہیں اور پڑتی دکھائی دیتی ہے، صالحین مشکل میں ہیں کس کو زندہ باد بولیں‘ .

لڑائی تو ن اور ش میں ہونی تھی مگر پھوٹ کہیں اور پڑتی دکھائی دیتی ہے . صالحین مشکل میں ہیں کس کو زندہ باد بولیں .

— Aniq Naji (@aniqnaji) October 8, 2021

اسی طرح کی افواہیں سوشل میڈیا پر گردش کررہی ہیں جس کی وجہ سے عام پاکستانی صارفین شش و پنج میں مبتلا ءہیں . . .