کوئٹہ (قدرت روزنامہ)کوئٹہ میں دھماکے سے ایک سیکیورٹی اہلکار شہید، ایک زخمی ہوگیا ہے . کوئٹہ پولیس کے مطابق کوئٹہ کے مغربی بائی پاس اخترآباد میں سیکیورٹی ٹیم کی گاڑی کے قریب دھماکا ہوا، جس سے 2 سیکیورٹی اہلکار زخمی ہوگئے .
پولیس کا کہنا ہے کہ دھماکے میں زخمی اہلکاروں کو اسپتال منتقل کیا گیا تاہم زخموں کی تاب نہ لاتے ہوئے ایک اہلکار شہید ہوگیا .
پولیس کے مطابق دھماکے کی جگہ پر بم ڈسپوزل اسکواڈ کی ٹیم شواہد اکٹھے کرنے میں مصروف ہے، دھماکے سے 2 گاڑیوں کو بھی نقصان پہنچا ہے .