مخصوص نشستوں کا معاملہ، نواز شریف کا سپریم کورٹ کے فیصلے پر اظہار حیرت، اہم اجلاس بلا لیا

لاہور (قدرت روزنامہ)سابق وزیراعظم و صدر پاکستان مسلم لیگ ن نواز شریف نے مخصوص نشستوں کے کیس میں سپریم کورٹ کی جانب سے سنائے گئے فیصلے پر حیرت کا اظہار کیا ہے .
میڈیا رپورٹس کے مطابق صدر مسلم لیگ ن نواز شریف سے مسلم لیگی رہنماؤں کی ملاقات ہوئی، اس موقع پر سپریم کورٹ کے فیصلے پر تبادلہ خیال کیا گیا .

رپورٹس میں بتایا گیا ہے کہ نواز شریف نے فیصلے پر حیرت کا اظہار کرتے ہوئے مزید مشاورت کے لیے پیر کو اہم اجلاس مری میں طلب کرلیا ہے .
میڈیا رپورٹس کے مطابق نواز شریف کی زیرصدارت اجلاس میں اہم فیصلے کیے جانے کا امکان ہے .
واضح رہے کہ سپریم کورٹ آف پاکستان نے گزشتہ روز مخصوص نشستیں پی ٹی آئی کو دینے کے احکامات جاری کیے تھے . اور یہ فیصلہ 5-8 کے تناسب سے آیا تھا .