درفشاں سلیم کی چُھپ کر بنائی ویڈیو سوشل میڈیا وائرل، مداح برہم
درفشاں سلیم کی وائرل ویڈیو میں وہ پینٹ شرٹ میں ملبوس ہیں اور لندن کی سڑکوں پر گھوم رہی ہیں، ویڈیو میں دیکھا جاسکتا ہے کہ لندن کے چوک پر ایک گلوکار اُن کے ڈرامہ سیریل ‘عشق مُرشد’ کا ٹائٹل سانگ گا رہا ہوتا ہے تو اداکارہ وہیں رُک کر گانا سُننے لگتی ہیں . اداکارہ اپنے ڈرامے کا گانا سُنتے ہوئے ناصرف گلوکار کی گائیکی کی حوصلہ افزائی کرتی ہیں بلکہ اپنے موبائل سے اُن کی ویڈیو بھی بناتی ہیں اور پھر اپنے دوستوں کے ہمراہ وہاں سے چلی جاتی ہیں . ویڈیو بنانے والا شخص درفشاں سلیم کا پیچھا کرتے ہوئے اُن کی ویڈیو بناتا ہے، اسی دوران اداکارہ ویڈیو بنانے والے سے بےخبر ہوتی ہیں اور بےخبری کے عالم میں دوستوں کے ساتھ گفتگو کرتے ہوئے سڑک پر گھوم رہی ہوتی ہیں . مذکورہ ویڈیو میں یہ ظاہر کیا گیا ہے کہ درفشاں سلیم اور اُن کے دوستوں کو اس بات کا علم نہیں کہ کوئی شخص پیچھے سے اُن کی ویڈیو بنا رہا ہے . یہ ویڈیو سوشل میڈیا کے مختلف پلیٹ فارمز پر تیزی سے وائرل ہورہی ہے جہاں درفشاں سلیم کے مداحوں نے تبصرے کرتے ہوئے شدید برہمی کا اظہار کیا . مداحوں نے کہا کہ ویڈیو بنانے والوں کو شرم آنی چاہیے، انہیں دوسروں کی پرائیویسی اور نجی زندگی کا خیال رکھنا چاہیے . ویڈیو پر جہاں اداکارہ کے مداحوں نے اُن کا دفاع کیا تو وہیں کچھ صارفین نے درفشاں سلیم کے زائد وزن اور لباس پر تنقید کی، صارفین نے یہ بھی کہا کہ یہ ویڈیو درفشاں سلیم کی مرضی سے بنائی گئی ہے لیکن وہ ہمیں یہ ظاہر کررہی ہیں کہ جیسے اُنہیں کچھ معلوم ہی نہیں . . .
