پرامن خواتین اور بچوں پر فائرنگ کرنیوالے اہلکاروں کو گرفتار کیا جائے، حق دو تحریک

پنجگور(قدرت روزنامہ)حق دو تحریک پنجگور کی جانب سے کوئٹہ میں پرامن مظاہرین پر پولیس تشدد، گرفتاریوں خاص کر خواتین سے بدسلوکی کے خلاف ریلی نکالی گئی جس میں سول سوسائٹی سمیت دیگر سیاسی جماعتوں آور آل پارٹیز شہری ایکشن کمیٹی کے رہنماﺅں نے بھی شرکت کی۔ احتجاجی ریلی شہید جاوید چوک سے شروع ہوئی اور مین روڈ سے ہوتی ہوئی جلسے کی شکل اختیار کرگئی۔ احتجاجی مظاہرے سے حق دو تحریک پنجگور کے چیئرمین ملا فرہاد، وائس چیئرمین حافظ سراج احمد بلوچ، آل پارٹیز شہری ایکشن کمیٹی کے سربراہ علاﺅالدین ایڈووکیٹ اور دیگر رہنماﺅں نے خطاب کرتے ہوئے کہا کہ کوئٹہ پولیس نے پرامن خواتین اور بچوں پر تشدد فائرنگ اور شیلنگ کرکے یزیدیت کی یاد تازہ کردی۔ انہوں نے کہا کہ نہتے عوام پر فائرنگ اور تشدد کرنے والے پولیس اہلکاروں اور ذمہ داران کیخلاف کارروائی کی جائے۔