پی ٹی آئی پر پابندی غیر جمہوری، ماضی میں ایسے فیصلوں سے بلوچستان میں انسرجنسی پیدا ہوئی، نیشنل پارٹی
کوئٹہ(قدرت روزنامہ)نیشنل پارٹی کے مرکزی ترجمان نے حکومتی جماعت کی جانب سے تحریک انصاف پر پابندی لگانے کو آمرانہ سوچ کی عکاسی قرار دیتے ہوئے واضح کیا ہے کہ ماضی میں نیپ پر جو پابندی عائد کی گئی اس کے نتائج انتہائی بھیانک نکلے اور قومی محکومی کو مزید تقویت حاصل ہوگئی اور انسرجنسی نے جنم لیا، سیاسی جماعتوں پر پابندی عائد کرنا آمرانہ سوچ کی عکاسی کرتا ہے، نیشنل پارٹی ایسے موقف کی کبھی تائید نہیں کرتی ہے اور بھرپور مخالفت کریگی اور واضح کرتی ہے کہ حکمران جماعت آمرانہ موقف کو اپنانے کے بجائے جمہوری استحکام کے لیے سیاسی جماعتوں کے استحکام کے لیے اپنا کردار ادا کریں اور کسی بھی سیاسی جماعت پر پابندی لگانے کے آمرانہ موقف کے آگے بڑھانے کے لیے استحکام جمہوریت کے لیے سیاسی جماعتوں کا احترام کریں اور استحکام جمہوریت کے لیے اپنا کردار ادا کریں۔