لاہور سے ایف آئی اے کا جعلی اسسٹنٹ ڈائریکٹر گرفتار
لاہور(قدرت روزنامہ)پولیس نے جعلی ایف آئی اے اسسٹنٹ ڈائریکٹرسمیت 2 جعلی پولیس اہلکاروں کو گرفتار کرلیا .
پولیس کے مطابق گرفتار جعلی اسسٹنٹ ڈائریکٹر کا نام محمود الرحمان ہے جو 2 جعلی اہلکاروں کے ساتھ ہوٹر لگے کالے ڈالے پر سرکاری نمبر پلیٹ لگا کر گھوم رہا تھا .
ملزم محمود الرحمان اس سے قبل پولیس کا جعلی اے ایس پی بن کربھی عوام اور پولیس کو چکما دیتا رہا ہے . پولیس کے مطابق گرفتار ملزمان میں محمود الرحمان اور جعلی پولیس اہلکار شکیل انور اور رضوان کے خلاف تھانہ ستوکتلہ میں مقدمہ درج کر لیا گیا ہے . . .
