کسی پرپابندی لگانے سے پہلے کابینہ سے زیادہ قوم کو اعتماد میں لینا ضروری ہے: جاوید لطیف
لاہور(قدرت روزنامہ)مسلم لیگ (ن) کے مرکزی رہنما میاں جاوید لطیف کا کہنا ہے کہ کسی پرپابندی یا آرٹیکل 6 لگانے سے پہلےکابینہ سے زیادہ قوم کو اعتماد میں لینا ضروری ہے .
ایک بیان میں جاوید لطیف نے کہا کہ ادارے قوم کو بتائیں پاکستان کےخلاف سازشوں کے ان کے پاس کیا ثبوت ہیں ؟ فارن فنڈنگ اور سائفر کے ثبوت بھی قوم کے سامنے رکھے جائیں .
انہوں نے کہا کہ قوم کو بتایا جائےکس طرح بانی پی ٹی آئی کوپاپولرکرنےکیلئے مل کر ارینجمنٹ کی گئی، یہ بھی بتایا جائے اس شخص نے انتشارپیدا کرنےکا کوئی موقع ہاتھ سے نہیں جانے دیا اور قوم کو یہ بھی بتانا ہوگا کہ اس شخص نے اداروں کےاندربغاوت کیلئے لوگوں کوکیسے اکسایا، 6 ہزار دہشتگردوں کو کس کی ایماء پر اور کیوں چھوڑا گیا . لیگی رہنما کا کہنا تھا کہ ادارے اور حکومت کوئی بھی اقدام لینے سے پہلے شواہد قوم کے سامنے رکھیں، اس کے بعد ایکشن لیں، کسی پرپابندی یا آرٹیکل 6 لگانے سے پہلے کابینہ سے زیادہ قوم کواعتماد میں لینا ضروری ہے . . .
