فیصلے کرنے میں خود مختار ہوں، کچھ لوگ مجھے ہٹانا چاہتے ہیں، وزیراعلیٰ بلوچستان

کوئٹہ(قدرت روزنامہ)وزیر اعلیٰ بلوچستان سرفراز بگٹی کا کہنا ہے کہ بطور وزیر اعلیٰ بلوچستان اپنے فیصلے کرنے میں 100 فیصد خود مختار ہوں، آج تک کسی نے کام میں مداخلت نہیں کی . سرفراز بگٹی نے پروگرام ٹاک شاک میں گفتگو کرتے ہوئے کہا کہ صوبے میں کامیابی اور ناکامی کی سو فیصد ذمہ داری قبول کرتا ہوں، صوبے میں بہتری کے لیے کیے گئے فیصلوں کے باعث کچھ لوگ مجھے ہٹانے کی کوشش کررہے ہیں، مگر مجھے پیپلز پارٹی کی قیادت اور وزیر اعظم شہباز شریف کا مکمل اعتماد حاصل ہے .

سرفراز بگٹی نے بلوچستان میں کرپشن کا اعتراف کرتے ہوئے کہا کہ یہ مسئلہ ایک رات میں حل نہیں ہو سکتا لیکن کوشش کر رہے ہیں . انہوں نے ماہ رنگ بلوچ سے مذاکرات میں کامیابی کو خوشخبری قرار دیتے ہوئے کہا کہ ماہ رنگ نے یقین دلایا ہے کہ آئندہ احتجاج سے پہلے حکومت کو آگاہ کیا جائے گا . . .