مالی سال 24-2023 میں جاری کھاتے کا خسارہ 68 کروڑ ڈالر رہا، اسٹیٹ بینک
کراچی(قدرت روزنامہ) مالی سال 24-2023 میں جاری کھاتے کا خسارہ 68 کروڑ ڈالر رہا، جو 13 سال کا کم ترین خسارہ ہے . اسٹیٹ بینک کے جاری کردہ اعدادوشمار کے مطابق درآمدات میں کمی اور ترسیلات میں اضافے سے مالی سال 24-2023 کے دوران جاری کھاتے کے خسارے میں نمایاں کمی ریکارڈ کی گئی .
مرکزی بینک کے مطابق گذشتہ مالی سال میں جاری کھاتے ( کرنٹ اکاؤنٹ ) کا خسارہ 68 کروڑ ڈالر تک محدود رہا جو مالی سال 23-2022 میں 3 ارب 27 کروڑ ڈالر تھا .
اعدادوشمار کے مطابق جون 2024 میں جاری کھاتے کا خسارہ 32 کروڑ 90 لاکھ ڈالر رہا، ترسیلات میں 11 فیصد اور تجارتی خسارے میں 6 فیصد کمی نے جاری کھاتے کے خسارے پر قابو پانے میں اہم کردار ادا کیا .
