پختونخوا؛ سرکاری ملازمین کی تنخواہوں میں 25 فیصد اضافے کی منظوری

پشاور(قدرت روزنامہ) خیبر پختونخوا حکومت نے سرکاری ملازمین کی تنخواہوں میں25 فیصد اضافے کی منظوری دے دی ۔صوبائی محکمہ خزانہ کی جانب سے اعلامیہ جاری کردیا گیا ہے، جس کے مطابق صوبائی کابینہ نے سرکولیشن سمری کے ذریعے اضافے کی منظوری دی ہے۔ حکومت نے یہ منظوری یکم جولائی 2024ءسے ایڈہاک ریلیف الاؤنس کے ذریعے دی۔
گریڈ ایک سے16 تک کے ملازمین کے لیے بنیادی جاری تنخواہ پر 25 فیصد اضافہ کیاگیاہے ۔ا سی طرح گریڈ17 سے22 تک کے افسران کے لیے 20 فیصد اضافے کی منظوری دی گئی ہے۔
واضح رہے کہ خیبرپختونخوا حکومت نے بجٹ میں ملازمین کی تنخواہوں میں صرف10 فیصد اضافہ کیاتھا، تاہم مرکز اور دیگر صوبوں کی طرز پر اب 25 فی صد تک اضافہ کردیا گیا ہے، جس کے لیے صوبائی اسمبلی سے فنانس بل 2024ء میں ترمیم کی منظوری لی جائے گی۔