فورسز کی جانب سے فائرنگ غیر مصدقہ اورافواہیں ہیں ،امن میں خلل ڈالنے والوں کیخلاف کارروائی ہوگی، شاہد رند

کوئٹہ(قدرت روزنامہ)مستونگ میں فائرنگ سے متعلق افواہیں ہیں ، ترجمان بلوچستان حکومت شاہد رند کا کہنا ہے کہ فورسز کی جانب سے فائرنگ غیر مصدقہ اورافواہیں ہیں ،امن میں خلل ڈالنے والوں کیخلاف کارروائی ہوگی،سیکورٹی فورسز کی جانب سے فائرنگ کی اطلاعات غیر مصدقہ ہیں ،بلوچستان میں امن و امان کی صورتحال کو دانستہ طور پر خرابی کی جانب دھکیلا جاررہا ہے . قانون سے کوئی مبرا نہیں، امن میں خلل ڈالنے والوں کے خلاف کارروائی ہوگی ، ان کا مہنا تھا کہ گوادر میں مظاہرے کے درپردہ عزائم واضح ہیں ،پرامن احتجاج ہر کسی کا حق تاہم قانون کسی کو ہاتھ میں لینے کی اجازت نہیں دی جاسکتی، ترجمان بلوچستان حکومت کا کہنا تھا کہ بلوچ یکجہتی کونسل کو بات چیت کے ذریعے معاملات حل کرنے کی دعوت دے چکے ، بلوچستان کی خواتین اراکین اسمبلی نے مزاکرات کی دعوت دی وزیر اعلی بلوچستان سرفراز بگٹی نے بلوچستان اسمبلی میں پالیسی بیان دیا ،بلوچستان حکومت پرُامن احتجاج کاُحق تسلیم کرتی ہے تاہم بی وائی سی جگہ کے انتخاب کا انتظامیہ کا حق تسلیم کرے ، شاہدرند کا کہنا تھا کہ احتجاج کے لئے مقام کا تعین مقامی انتظامیہ کی ذمہ داری ہے ، ایک بار پھر بی وائی سی کو حکومت مزاکرات کی دعوت دیتی ہے .

. .