پیرس اولمپکس، آسٹریلیا 3 گولڈ میڈلز کیساتھ ٹیبل پر سر فہرست آگیا

اسلام آباد (قدرت روزنامہ)پیرس اولمپکس میں میڈلز کی دوڑ شروع ہوگئی اور پہلے روز آسٹریلیا 3 گولڈ میڈلز کے ساتھ ٹیبل پر سرفہرست آگیا جبکہ چین نے 2 گولڈ میڈل اپنے نام کیے۔
پیرس اولمپکس میں میڈلز کے حصول کی جنگ شروع ہوگئی، پیرس اولمپکس کا پہلا گولڈ میڈل چین نے اپنے نام کیا۔
چین کی ٹیم نے 10 میٹر ائیر رائفل میں سونے کا تمغہ حاصل کیا۔ چین نے دوسرا گولڈ میڈل Synchronised سنکرونائزڈ تھری میٹر ڈائیونگ کے مقابلوں میں حاصل کیا۔ اس ایونٹ میں امریکا نے سلور اور برطانیہ نے برانز میڈل حاصل کیا۔
مینز روڈ سائیکلنگ میں بیلجیم کا گولڈ میڈل اور آسٹریلیا نے انفرادی ٹائم ٹرائلز میں طلائی تمغہ حاصل کیا۔
آسٹریلیا نے دوسرا گولڈ میڈل 400 میٹر فری اسٹائل میں جیتا۔ آسٹریلیا کی ٹائٹمس نے خواتین کی 400 میٹر فری اسٹائل میں گولڈ میڈل جیت لیا۔ کینیڈا کی سمر میک انٹوش نے سلور اور امریکا کی کیٹی لیڈکے نے برانز میڈل جیتا۔
آسٹریلیا نے تیسرا گولڈ میڈل خواتین کی 4×100 ری لے میں اپنے نام کیا۔آسٹریلین ٹیم نے 3:28.92 کی ٹائمنگ کے ساتھ نیا اولمپک ریکارڈ بنایا۔
خواتین کی 4×100 ری لے میں میں امریکا نے سلور اور چین نے برانز میڈل جیتا۔
اس گولڈ میڈل کے ساتھ آسٹریلیا 3 گولڈ میڈلز کے ساتھ ٹیبل پر سرفہرست آگیا۔
جاپان کو جوڈو کے مقابلوں میں گولڈ میڈل ملا، جاپان کی ناتسومی نے منگولیا کی ایتھلیٹ کو ہراکر طلائی تمغہ حاصل کیا۔
خواتین کے 48 کلوگرام جوڈو میں جاپان کا گولڈ میڈل اور منگولیا کا سلور میڈل رہا۔ جوڈو کے 60 کلو گرام میں قازقستان یلدوز اسمیٹوو نے طلائی تمغہ حاصل کیا۔
جرمنی نے پہلا طلائی تمغہ جیت لیا، مارٹن لوکاز نے مردوں کی 400 میٹر فری اسٹائل سوئمنگ میں گولڈ جیتا، آسٹریلیا کے وننٹن ایلیجا نے سلور اور کوریا کے وومن کم نے برانز میڈل جیتا۔
اس کے علاوہ پیرس اولمپکس میزبان فرانس بھی گولڈ میڈل جیتنے میں کامیاب ہوگیا۔ فرانس نے فجی کو ہرا کر رگبی 7 میں گولڈ میڈل جیت لیا۔ فائنل میں فرانس نے فجی کو 7 کے مقابلے میں 28 پوائنٹس سے ہرایا۔ رگبی 7 میں جنوبی افریقا نے آسٹریلیا کو ہراکر برانز میڈل جیتا۔
علاوہ ازیں پیرس اولمپکس میں امریکا نے بھی پہلا گولڈ میڈل جیت لیا۔
امریکا نے مردوں کی 4×100 فری اسٹائل ری لے میں گولڈ میڈل جیتا۔ آسٹریلیا 1.07 سیکنڈ کے فرق سے چاندی کا حقدار ہوا۔
اٹلی کی ٹیم نے مردوں کی 4×100 فری اسٹائل ری لے میں برانز جیتا۔
دوسری جانب پیرس اولمپکس میں ہانگ کانگ نے بھی پہلا گولڈ میڈل اپنے نام کیا۔
خواتین کے فینسنگ مقابلوں میں ہانگ کانگ نے طلائی تمغہ جیتا۔ فائنل میں ہانگ کانگ کی مین وائی ویوین کونگ نے فرانس کی پلیئر کو ہرایا۔
برانز میڈل کی باؤٹ میں ہنگری کے پلیئر نے اسٹونیا کے کھلاڑی کو شکست دی۔
پیرس اولمپکس میں پہلے دن کا آخری گولڈ میڈل جنوبی کوریا کے نام رہا۔
جنوبی کوریا کے او سینگوک نے مینز فینسنگ سیبر میں گولڈ میڈل جیتا، فائنل میں او سینگوک نے تیونس کے فارس فرجانی کو شکست دی۔
برانز میڈل کا مقابلہ اٹلی کے لوگی سیمل نے اپنے نام کیا۔