دکی سب جیل سے فرار قیدی 26 دن بعد بھی گرفتار نہ ہوسکے
دوسری جانب غفلت اور لاپرواہی برتنے والے تین پولیس اہلکاروں کو معطل کرکے محکمانہ انکوائری کرنے کا بھی حکم دیا گیاتھا . ایس پی دکی آصف حلیم نے معطل ہونے والے تینوں اہلکاروں حوالدار غنی ،جیل وارڈن گل خان اور گیٹ سنتری اسماعیل مری کے خلاف ڈی ایس پی دکی جان محمد کھوسہ کی سربراہی میں انکوئری کمیٹی تشکیل دے دی ہے . انکوائری کمیٹی رپورٹ مکمل کرکے ایس پی کو پیش کریگی . پولیس نے گرفتار تینوں اہلکاروں کو جوڈیشل مجسٹریٹ لورالائی کی عدالت میں پیش کرکے جسمانی ریمانڈ حاصل کرلی ہے . عدالت نے تینوں پولیس اہلکاروں کو جسمانی ریمانڈ پر پولیس کے حوالے کردئیے ہیں . فرار ہونے والے تین خطرناک قیدیوں میں سے دو قیدیوں کبیر اور عصمت اللہ کا ضمانت دو بار جوڈیشل مجسٹریٹ دکی ایک بار ایڈیشنل سیشن جج دکی اور ایک بار بلوچستان ہائی کورٹ سے مسترد ہوگیا تھا . تینوں ملزمان کے خلاف کیسز زیر سماعت تھے . . .
