ضلع کرم میں دو قبائل کےتنازعے میں فریقین کے درمیان امن معاہدہ کامیاب

کرم(قدرت روزنامہ)ضلع کرم میں دو قبائل کے درمیان زمین کے تنازعہ پر جرگے کے بعد فریقین کے درمیان امن معاہدہ کامیاب ہوگیا۔
ڈپٹی کمشنر جاویداللہ محسود کے مطابق فریقین نے 2 ماہ کیلئے عارضی فائربندی کے معاہدے پر بھی دستخط کردے ہیں۔
ڈپٹی کمشنر کے مطابق ضلع کرم میں دونوں قبائل کے درمیان مستقل فائربندی کیلئے بھی باقاعدہ معاہدہ کیا جائے گا۔
اس حوالے سے جرگہ رکن حاجی رحمت حسین کا کہنا تھا کہ کسی بھی فریق کی جانب سے معاہدے کی خلاف ورزی پر 12 کروڑ روپے جرمانہ کیا جائے گا،
انہوں نے کہا کہ پشاور ضلع کرم شاہراہ کو آمدورفت کیلئے محفوظ بنایا جائے گا۔
واضح رہے کہ گزشتہ ایک ہفتے کے دوران جھڑپوں سے 50 افراد جاں بحق اور 226 زخمی ہوئے تھے۔