فنڈز کی کٹوتی کیخلاف بلوچی اکیڈمی کے مطالبے کی حمایت کرتے ہیں، خالد مگسی

کوئٹہ(قدرت روزنامہ)بلوچستان عوامی پارٹی کے صدر رکن قومی اسمبلی نوابزادہ خالدمگسی کی بلوچی اکیڈمی کی نومنتخب باڈی کومبارکبادبلوچی اکیڈمی بلوچی زبان و ادب کی ترویج میں اہم کرداراداکررہاہے بلوچستان عوامی پارٹی بلوچی اکیڈمی کی کاوشوں کی قدرکی نگاہ سے دیکھتی ہے۔ ہیبتان عمر، محمد صدیق بلوچ، ذاکر قادر، ممتاز یوسف، بیزن سبا، ایڈووکیٹ چنگیز عیسیٰ، محمد صادق، شکیل بلوچ کی قیادت میں اکیڈمی مزید ترقی کرےگی۔ انہوں نے کہا کہ بلوچی اکیڈمی کےساتھ ہر فورم پر تعاون جاری رکھےں گے بلوچی زبان وادب کی تاریخ ہزاروں سال پر مشتمل ہے، مادری زبانوں کی ترقی ہی سے معاشرے ترقی کی منازل طے کرتے ہیںفنڈزکی کٹوتی کیخلاف اکیڈمی کے مطالبے کی حمایت کرتے ہیں۔ صوبائی حکومت بلوچی اکیڈمی کے فنڈزمیں کٹوتی کافیصلہ واپس لے۔