خاران میں لاپتا افراد کی عدم بازیابی، گھروں پر چھاپوں، گرفتاریوں کیخلاف دھرنا

خاران(قدرت روزنامہ)لاپتہ افراد کے لواحقین کی جانب سے اپنے پیاروں کی بازیابی اور فورسز کی جانب سے گھروں میں چھاپے اور گرفتاریوں کیخلاف خاران ریڈ زون ایریا احتجاجاً بلاک، ڈپٹی کمشنر خاران، ایس پی، اسسٹنٹ کمشنر مذاکرات کیلئے پہنچے تاہم مذاکرات ناکام جبکہ دھرنا جاری، لاپتہ عبدالکریم میروانی کے بھائی کونسلر میونسپل کمیٹی حاجی قدوس میروانی و دیگر نے رخشان نیوز سے گفتگو کرتے ہوئے کہا کہ انکے گھر سیاہ پٹ کے مقام پر گزشتہ رات اور آج دن ایک بجے فورسز کی جانب سے چھاپے مارے گئے، چھاپے کے دوران عورتوں پر تشدد اور گھر میں توڑ پھوڑ کی گئی اور ہمارے دو بھائیوں سمیت ایک ہمسائے کو حراست میں لیکر اپنے ساتھ لے گئے، انہوں نے کہاکہ جب تک ان کے لاپتہ لوگوں کو رہا نہیں کیا جائے گا تب تک احتجاجاً ریڈ زون بلاک رہے گا۔