روزانہ دہی کھانے کے صحت پر بے شمار فوائد

اسلام آباد (قدرت روزنامہ)دہی غذائیت سے بھرپور ہوتی ہے ،یہ پروٹین اور کیلشیم کا ایک حیرت انگیز ذریعہ ہے اس میں بی کمپلیکس وٹامنز، فاسفورس، پوٹاشیم اور میگنیشیم بھی ہوتا ہے اور یہ میٹابولزم کو بہتر بناتا ہے . ایک کپ دہی میں صرف 120کیلوریز ہوتی ہیں، دہی میں دیگر ضروری غذائی اجزاء جیسے کہ پروٹین بھی پایا جاتا ہے جسے انسانی پٹھوں کی نشونما کے لئے انتہائی مفید قرار دیا جاتا ہے .

دہی ایک زبردست پروبائیوٹک (ایک ایسا جزو ہے جس میں زندہ بیکٹیریا ہوتے ہیں)ہے ،یہ فائدے مند بیکٹیریا آنتوں کی سرگرمیوں کو بہتر بنانے، نظامِ ہاضمہ کو بہتر کرنے اور پیٹ کی بیماریوں کا علاج کرنے کے لئے جانے جاتے ہیں . اس کے علاوہ دہی کا باقاعدہ استعمال ہمارے مدافعتی نظام کو بڑھاتا ہے اور ہمارے جسم کو مختلف قسم کے انفیکشن سے بچاتا ہے، دہی معدے کے انفیکشن، سانس کے مسائل جیسے عام نزلہ، زکام اور یہاں تک کہ کینسر کے خلاف مؤثر طریقے سے لڑتا ہے، دہی میں پائے جانے والے میگنیشیم، سیلینیم اور زنک بھی قوت مدافعت کو بہتر بناتے ہیں . دہی کیلشیم کا ایک بھرپور ذریعہ ہے، اس طرح یہ ہڈیوں کی صحت کو بہتر بنانے کے لئے ایک اہم غذا ہے ،دہی کا باقاعدہ استعمال ہڈیوں کی طاقت کو محفوظ رکھتا ہے اور یہ فریکچر اور آسٹیوپوروسس کے خطرے کو کم کرتا ہے . باقاعدگی سے دہی کا استعمال ہائی بلڈ پریشر کو کنٹرول کرتا ہے جو دل کی بیماریوں کے لئے ایک بڑا خطرہ ہے . اس کے علاوہ دہی چہرے کی خوبصورتی کا ایک بہترین جزو ہے کیونکہ اس میں لییکٹک ایسڈ ہوتا ہے جو ایکفولیئٹر کا کام کرتا ہے اور یہ ہماری جِلد کے تمام مردہ خلیوں اور داغوں کو صاف کرتا ہے . . .