خوردنی تیل کی درآمدات میں سالانہ بنیادوں پر نمایاں کمی ریکارڈ

مالی سال 2024 میں سویابین آئل کی درآمدات پر112.33 ملین ڈالرزرمبادلہ خرچ
اسلام آباد (قدرت روزنامہ)ملک میں خوردنی تیل کی درآمدات میں گزشتہ مالی سال کے دوران سالانہ بنیادوں پرنمایاں کمی ریکارڈکی گئی ہے۔
اسٹیٹ بینک اورپاکستان بیوروبرائے شماریات کے اعدادوشمارکے مطابق مالی سال 2024 میں سویابین آئل کی درآمدات پر112.33 ملین ڈالرزرمبادلہ خرچ ہوا جو مالی سال 2023 کے مقابلہ میں 171 فیصد کم ہے۔
مالی سال 2023 میں سویا بین آئل کی درآمدات پر304.42 ملین ڈالرکازرمبادلہ خرچ ہواتھا، جون میں سویا بین آئل کی درآمدات کاحجم 1.879 ملین ڈالرریکارڈ کیا گیا جومئی میں 9.920 ملین ڈالراورگزشتہ سال جون میں 25.64 ملین ڈالرتھا۔
اعدادوشمارکے مطابق مالی سال 2024 میں پام آئل کی درآمدات پر2.680 ارب ڈالرکازرمبادلہ خرچ ہوا جومالی سال 2023 کے مقابلہ میں 25.44 فیصدکم ہے، مالی سال 2023 میں پام آئل کی درآمدات پر3.362 ارب ڈالر کا زرمبادلہ خرچ ہوا تھا، جون میں پام آئل کی درآمدات کا حجم 191.86 ملین ڈالر ریکارڈ کیا گیا جومئی میں 218.41 ملین ڈالر اور گزشتہ سال جون میں 190.11 ملین ڈالر تھا۔