بلاول بھٹو زرداری ماموں بن گئے، بختاور کے ہاں بیٹے کی پیدائش
کراچی (قدرت روزنامہ)پیپلز پارٹی کے چیئرمین بلاول بھٹو زرداری نے اپنے ماموں بننے کی خوشخبری سنادی۔سماجی رابطے کی ویب سائٹ ٹوئٹر پر جاری بیان میں بلاول بھٹو زرداری نے اپنی ہمشیرہ بختاور بھٹو کے ہاں بیٹے کی ولادت کی خبر شیئر کی۔
بختاور بھٹو کے ہاں بیٹے کی ولادت کے بعد پی پی چیئرمین ماموں، سابق صدر آصف علی زرداری نانا اور آصفہ بھٹو زرداری خالہ بن گئی ہے۔پی پی چیئرمین نے آفیشلی ماموں بننے کی خبر کے ساتھ اپنی بہن بختاور بھٹو زرداری کا ٹوئٹ بھی شیئر کیا، جس میں بیٹے کی ولادت کی خوشخبری سنائی گئی ہے۔
Officially, mamoo! ❤️ ♥️ ❤️ 🙌 https://t.co/RbwkGvRI60
— BilawalBhuttoZardari (@BBhuttoZardari) October 11, 2021
بلاول بھٹو اپنی ہمشیرہ کے ہاں پہلے بیٹے کی ولادت پر بہت خوش ہیں، انہوں نے اپنے پیغام کے ساتھ دل کی 3 ایموجیز بھی شیئر کیں۔
بختاور بھٹو زرداری نے اپنی ٹوئٹ کے ساتھ اپنے شوہر محمود چوہدری کو دل اور دعا کے ایموجی کے ساتھ والد بننے کی خبردی۔
انہوں نے ایک بیان میں کہا کہ میں بیٹے کی ولادت کی خبر شیئر کرتے ہوئے بہت خوشی محسوس کررہی ہوں۔بختاور اور بلاول بھٹو کی طرح آصفہ بھٹو زرداری نے اس خبر کو شیئر کیا اور بتایا کہ میں آفیشلی خالہ بن گئی ہوں۔
