دہشت گردوں کو منطقی انجام تک پہنچائے بغیر دم نہیں لیں گے،وزیر اعلیٰ بلوچستان
وزیر اعلیٰ بلوچستان میر سرفراز بگٹی کی زیر صدارت امن و امان کی صورتحال سے متعلق اجلاس
کوئٹہ (قدرت روزنامہ)وزیر اعلیٰ بلوچستان میر سرفراز بگٹی کی زیر صدارت امن و امان کی صورتحال سے متعلق اجلاس‘صوبائی وزیر داخلہ میر ضیاء لانگو، چیف سیکرٹری بلوچستان، ایڈیشنل چیف سیکرٹری داخلہ، و اعلیٰ حکام کی شرکت ۔
آئی جی پولیس بلوچستان اور ڈائریکٹر جنرل لیویز فورس کی اجلاس کے شرکاء کو بریفنگ ۔محکمہ داخلہ کی جانب سے امن و امان کی مجموعی صورتحال پر اجلاس کو بریفنگ ۔ مستونگ کے علاقے کھڈ کوچہ میں گزشتہ روز پیش آنے والے واقعہ پر حکام کی بریفنگ ۔وزیر اعلیٰ بلوچستان کی ایڈیشنل چیف سیکرٹری داخلہ کو مستونگ واقعہ کی تفصیلی رپورٹ جمع کرانے کی ہدایت ۔وزیر اعلیٰ بلوچستان نے افسران کی نقل و حمل کے دوران مروجہ ایس او پیز پر عمل درآمد بابت رپورٹ طلب کرلی ۔
وزیر اعلیٰ بلوچستان نے کہاہے کہ دہشت گردوں کو منطقی انجام تک پہنچائے بغیر دم نہیں لیں گے۔شہداء کا خون رائیگاں نہیں جائے گا ایک ایک قطرے کا حساب لیں گے۔دہشت گردی کے خلاف جنگ فوج اور سرمچاروں کی نہیں بلکہ معاشرے کے ہر فرد کی ہے ۔
لیویز فورس ماضی کی طرح فعال کردار ادا کرتے ہوئے ملوث عناصر تک پہنچنے کی تگ و دو کرے ۔کسی بھی واقعہ میں فوری ردعمل ظاہر کرتے ہوئے دہشت گردوں کا پیچھا کیا جائے۔تخریب کاری سے نمٹنے کیلئے پولیس اور لیویز کو مضبوط کریں گے۔
لیویز فورس کو ضروری سازو سامان اسلحہ اور گاڑیاں دی جائیں گی۔ہر سطح پر دہشت گردوں کا مقابلہ کرکے انہیں پسپا کریں گے۔سوشل میڈیا پر ریاست مخالف سرگرمیوں پر کڑی نظر رکھی جائے۔سوشل میڈیا کو دہشت گردی کے ٹول کے طور پر استعمال نہیں ہونے دیں گے۔
دہشت گردوں کے خلاف جنگ کسی ایک ادارے کی نہیں پوری قوم کی جنگ ہے۔دہشت گردوں اور ان کے سہولت کاروں کو منطقی انجام تک پہنچائیں گے۔