مہربانو ایک بار پھر اپنی ڈانس ویڈیو پر تنقید کا شکار
لاہور (قدرت روزنامہ)اداکاری کے مقابلے اپنی ڈانس ویڈیوز کی وجہ سے خبروں میں رہنے والی اداکارہ، ماڈل و ڈانسر مہربانو کو ایک بار پھر اپنی نئی ڈانس ویڈیو پر تنقید کا سامنا ہے .
مہربانو انسٹاگرام پر مختلف بھارتی اور مغربی گانوں سمیت پاکستانی گانوں پر ڈانس ویڈیوز شیئر کرتی رہتی ہیں، جن پر انہیں پہلے بھی تنقید کا نشانہ بنایا جاتا رہا ہے .
اب ایک بار پھر ان کی جانب سے بھارتی گانے پر بولڈ لباس میں ڈانس کی ویڈیو پر تنقید کی جا رہی ہے اور صارفین نے ان کے خلاف انتہائی سخت اور نامناسب زبان کا استعمال کیا .
اداکارہ کی جانب سے شیئر کی گئی بھارتی گانے کی ڈانس ویڈیو کو دوسرے سوشل میڈیا پیجز کی جانب سے بھی شیئر کیا گیا، جہاں سوشل میڈیا صارفین نے اداکارہ کو آڑے ہاتھوں لیا .
اداکارہ کو ڈانس ویڈیو میں جینز پینٹ اور سفید رنگ کی ٹی شرٹ میں دیکھا جا سکتا ہے، جس پر لوگوں نے انہیں مختصر اور بولڈ لباس کی وجہ سے تنقید کا نشانہ بنایا .
View this post on Instagram
صارفین نے ایک بار پھر مہربانو کو مسلمان ہونے طعنے دیے جب کہ انہیں یہ شرم بھی دلانے کی کوشش کی کہ ایک طرف جہاں غزہ میں فلسطینی افراد مارے جا رہے ہیں، وہیں انہیں ڈانس سے فرصت نہیں مل رہی .
بعض مداحوں نے لکھا کہ مہربانو دراصل کینیڈا میں پلی بڑھیں، اس لیے وہ ایسا لباس اور ڈانس کرنے کی عادی ہیں، ان کا قصور نہیں .
View this post on Instagram
اسی طرح کچھ افراد نے انہیں شرم دلانے کی کوشش کرتے ہوئے مکمل جسم کو ڈھانپنے والا لباس پہننے کی تلقین بھی کی . کچھ افراد نے ان کی پوسٹ پر کمنٹس کیے کہ وہ بھلے ڈانس کریں لیکن مکمل لباس پہنیں .
جہاں زیادہ تر افراد نے اداکارہ کو بولڈ لباس اور ڈانس کی وجہ سے تنقید کا نشانہ بنایا، وہیں بعض افراد نے ان کی تعریفیں بھی کیں اور ان کی خوبصورتی و ڈانس پرفارمنس کو بھی سراہا .
