عائشہ ٹاکیہ کی نئی جھلک دیکھ کر مداحوں نے تنقید کے تیر برسا دیے
اداکارہ نے انسٹاگرام ہینڈل پر پوسٹ شئیر کی جس پر صارفین نے سوالات اٹھا دیے
ممبئی(قدرت روزنامہ)بالی ووڈ سپر اسٹار سلمان خان کی فلم وانٹڈ میں ان کی ہیروئن بننے والی اداکارہ عائشہ ٹاکیہ نے اپنی نئی جھلک صارفین کے ساتھ شئیر کردی .
عائشہ ٹاکیہ کی جانب سے اپنی تازہ ترین ریل ویڈیو سوشل میڈیا ہینڈل انسٹاگرام پر شئیر کی گئی جس پر صارفین نے ان پر تنقید کے تیر برسانا شروع کر دیے .
ویڈیو میں دیکھا جا سکتا ہے کہ اداکارہ نیلے اور سنہری رنگ کی ساڑھی میں ملبوس سیلفی ویڈیو بنا رہی ہیں، اور ان کا چہرہ ماضی سے کافی مختلف دکھائی دے رہا ہے . عائشہ ٹاکیہ کے حوالے سے بتایا جاتا ہے کہ انہوں نے اپنے چہرے کی سرجری کروائی ہے جو صارفین کو بالکل پسند نہیں آئی . مگر اداکارہ کی جانب سے سرجری کی خبروں کی تردید کی جا چکی ہے .
View this post on Instagram
اس سے قبل بھی ان کی تصاویر پر سوشل صارفین ناپسندیدگی کا اظہار کیا تھا، جس پر اداکارہ نے انہیں کرارا جواب بھی دیا .
صارفین کی تنقید کا جواب دیتے ہوئے عائشہ ٹاکیہ نے انسٹا اسٹوری پر طویل نوٹ لکھا تھا کہ وہ اپنی بہن سے اسپتال میں ملنے ممبئی سے گوا روانہ ہوئیں اور ائیر پورٹ پر پاپارازی (میڈیا رپورٹرز) نے روک کر ان کی ویڈیوز بنانا شروع کردیں اس کے بعد لوگوں نے ان کی شکل اور جسامت پر منفی تبصرے کیے، عائشہ نے لکھا کہ مجھے ایسا لگتا ہے کہ بھارتیوں کے لیے سب سے اہم مسئلہ ان کی لُکس ہیں، اسی لیے وہ سارا وقت ان کی لکس پر کمنٹس کرنے میں ضائع کر دیتے ہیں .
View this post on Instagram
اداکارہ نے واضح کرتے ہوئے کہا تھا کہ انہیں کوئی بھی فلم کرنے میں دلچسپی نہیں ہے اور وہ میں اپنی زندگی میں بہت خوش ہیں لہٰذا ان کی لُکس کی فکر کرنا چھوڑ دیں . اُنہوں نے بھارتیوں پر طنز کرتے ہوئے مزید کہا تھا کہ انہیں یہ سوچ کر ہنسی آتی ہے کہ لوگ عورت کو ہمیشہ ایک نو عمر 15 سال جیسی لڑکی کی طرح دیکھنا چاہتے ہیں .
واضح رہے اس سے قبل بھی بھارتی اداکارہ عائشہ ٹاکیہ کو ان کی لکس کو لے کر تنقید کا نشانہ بنایا گیا ہے .
