وزیراعلیٰ خیبرپختونخوا کا بلوچستان میں شہید ہونیوالوں کیلئے شہداء پیکج کا اعلان

پشاور(قدرت روزنامہ)وزیراعلیٰ خیبرپختونخوا علی امین گنڈاپور نے بلوچستان میں شہید ہونے والوں کے لیے شہداء پیکج کا اعلان کردیا۔
بلوچستان کے متعدد اضلاع میں گزشتہ 24 گھنٹوں کے دوران دہشت گردی کے پے در پے واقعات میں 37 سے زائد فراد جاں بحق ہوگئے۔
بلوچستان کے متعدد اضلاع میں فائرنگ اور بم دھماکوں کے واقعات اتوار اور پیر کی درمیانی شب رپورٹ ہوئے جن میں درجنوں افراد کے جاں بحق ہونے کی اطلاعات ہیں۔
مشیر خزانہ خیبر پختونخوا مزمل اسلم نے کہا کہ دہشت گردی کے واقعات کی مذمت کرتے ہیں، شمالی وزیرستان میں بھی دہشت گردی کا واقعہ رونما ہو چکا، کے پی حکومت دونوں واقعات میں شہداء پیکج کا اعلان کرتی ہے۔
انہوں نے کہا کہ شہداء کے لواحقین کو 10،10 لاکھ روپے امداد دی جائے گی۔