گوادر پورٹ اتھارٹی اور گوادر یونیورسٹی کے تعاون سے طلبا و طالبات کیلئے جاب فیئر کا انعقاد
اس سلسلے میں افتتاحی تقریب پاک چائنا ٹیکنیکل اینڈ ووکیشنل انسٹیٹیوٹ کے میر احمد بخش لہڑی آڈیٹوریم میں منعقد ہوئی جس میں پرو وائس چانسلر پروفیسر ڈاکٹر سید منظور احمد ڈائریکٹر فنانس گوادر پورٹ اتھارٹی محمد حنیف، اگوین کمپنی کے ڈائریکٹر منیفیکچر اعجاز احمد منہاس، چائنا اوورسیز پورٹ ہولڈنگ کمپنی کے سینئر ایچ آر منیجر فیروز بلوچ، انڈس ہسپتال، فرحان کیمیکلز کمپنی کے نمائندوں کے علاوہ سینئر فیکلٹی ممبرز، ایڈمنسٹریشن اسٹاف مختلف شعبہ فکر سے تعلق رکھنے والے افراد، یونیورسٹی کے پاس آﺅٹ گریجویٹس اور طلبہ کی بڑی تعداد نے شرکت کی . تقریب سے خطاب کرتے ہوئے پرو وائس چانسلر پروفیسر ڈاکٹر سید منظور احمد نے کہا کہ جاب فیئر میں بین الاقوامی اور معروف قومی کمپنیوں کا آنا قابل ستائش ہے . انہوں نے کہا کہ اس طرح کی سرگرمیوں سے طلبا کو مستقبل میں کیریئر سے متعلق رہنمائی کے ساتھ ساتھ فارغ التحصیل گریجویٹس کو بہترین مواقع ملتی ہے . پرو وائس چانسلر نے کہا کہ یہ ایک بامقصد سرگرمی ہے اور خوشی ہو رہی ہے کہ متعدد کمپنیوں کے سٹال میں ہمارے ایلومینائی کمپنیوں کی نمائندگی کر رہے ہیں . مقررین نے کہا کہ اس طرح کے پروگرام منعقد کرنے سے علاقے کے ہونہار گریجویٹس کو بہترین موقع مل سکتے ہیں . انہوں نے کہا کہ بلوچستان میں تعلیمی اداروں اور صنعتوں میں تعاون کو فروغ ملے تو ملکی معیشت مزید بہتری کی جانب گامزن ہو جائے گی اور نوجوان نسل کو فائدہ ہوگا . جاب فیئر میں 5 کمپنیوں نے شرکت کی، جنہوں نے اپنی کمپنیوں کے متعلق طلبہ کو آگاہی دی اور الگ الگ جاب انٹرویوز کیے . جاب فیئر میں 250 سے زائد گریجویٹس نے شرکت کی . . .
