پی ٹی آئی کا ایک بار پھر چیئرمین پی اے سی امیدوار کا نام تبدیل کرنے پر غور

اسلام آباد(قدرت روزنامہ)پاکستان تحریک انصاف(پی ٹی آئی) ایک بار پھر پبلک اکاؤنٹس کمیٹی ( پی اے سی) کے امیدوار کا نام تبدیل کرنے پر غور کررہی ہے۔
ذرائع کے مطابق پی ٹی آئی نے پبلک اکاؤنٹس کمیٹی کے چئیرمین کے لیے امیدوار کا نام تبدیل کرنے پر مشورہ شروع کردیا ہے۔ پارٹی کے کچھ اراکین شیخ وقاص اکرم کی جگہ کسی اور کو امیدوار نامزد کرنے کے حق میں ہیں۔ شیخ وقاص کی جگہ عامر ڈوگر کو چئیرمین پی اے سی کا امیدوار بنانے پر غور کیا جا رہا ہے۔
پبلک اکاؤنٹس کمیٹی کے چیئرمین کا انتخاب 15 ستمبر کو ہو گا۔