حکومت ڈوبتی کشتی ہے جو ساتھ دے گا خود بھی ڈوبے گا، لطیف کھوسہ کا مولانا کو مشورہ
پی ٹی آئی رہنما کا کہنا تھا کہ بانی پی ٹی آئی سمیت کسی بھی سویلین کا ملٹری کورٹ میں ٹرائل نہیں ہوسکتا . انہوں نے کہا کہ حکومت بانی پی ٹی آئی کا ٹرائل ملٹری کورٹ میں کرنا چاہتی ہے تو اپنا شوق پورا کرلے . واضح رہے کہ دو روز قبل وزیراعظم شہبازشریف نے اپوزیشن جماعت جمعیت علمائے اسلام کے سربراہ مولانا فضل الرحمان سے ملاقات کی تھی، ملاقات میں ملک کی مجموعی اور سیاسی صورتحال پربات چیت کی گئی . اس سے قبل صدر آصف علی زرداری نے بھی مولانا فضل الرحمان سے ان کی رہائش گاہ پر تفصیلی ملاقات کی تھی جس میں وفاقی وزیر داخلہ محسن نقوی بھی موجود تھے . جیو نیوز سے گفتگو کرتے ہوئے ملاقات میں موجود ذرائع نے بتایا تھا کہ جے یو آئی اور حکمران اتحاد کے درمیان فاصلے کم ہورہے ہیں، آصف علی زرداری ریاست کے سربراہ کے طورپر ملاقات کیلئے آئے اور وزیر داخلہ محسن نقوی کا صدر کے ہمراہ ملاقات کیلئے آنا ثبوت ہے کہ ریاست جے یو آئی کے تحفظات کو سنجیدہ لے رہی ہے . . .
