کوئی نوکری فروخت نہیں ہوگی میرٹ پر تقرریاں ہوں گی،وزیر اعلیٰ بلوچستان
وزیر اعلیٰ بلوچستان میر سرفراز بگٹی کی زیر صدارت محکمہ تعلیم میں اصلاحات اور اساتذہ کی تقرری سے متعلق اجلاس
بند اسکولوں کو فعال بنانے کے لئے خالی آسامیوں پر اساتذہ کی تقرری کا فیصلہ ۔تعیناتی کنٹریکٹ، توسیع کارکردگی پر ہوگی
کوئٹہ(قدرت روزنامہ)وزیر اعلیٰ بلوچستان میر سرفراز بگٹی کی زیر صدارت محکمہ تعلیم میں اصلاحات اور اساتذہ کی تقرری سے متعلق اجلاس ۔صوبائی وزیر تعلیم راحیلہ حمید خان درانی، چیف سیکرٹری بلوچستان شکیل قادر خان، اور متعلقہ حکام کی شرکت ۔
بند اسکولوں کو فعال بنانے کے لئے خالی آسامیوں پر اساتذہ کی تقرری کا فیصلہ ۔تعیناتی کنٹریکٹ، توسیع کارکردگی پر ہوگی ، اجلاس میں فیصلہ ۔کنٹریکٹ پالیسی کے لئے موثر قانون سازی کی جائے گی۔
وزیر اعلیٰ بلوچستان میر سرفراز بگٹی نے کہاہے کہ عدالتی احکامات کے مطابق “ایس بی کے” ٹیسٹ کا حتمی اعلان کیا جائے ۔کوئی نوکری فروخت نہیں ہوگی میرٹ پر تقرریاں ہوں گی ۔نوکریوں کی خرید و فروخت ناقابل برداشت عمل ، روک تھام کیلئے موثر میکنزم تشکیل دیا جائے۔