غلطی سے لائن آف کنٹرول عبور کرنیوالے 2 نوجوان بھارتی فوج کی فائرنگ سے شہید
پولیس کے مطابق، شہید ہونے والوں میں سے ایک نوجوان شادی شدہ اور 2 بچوں کا باپ تھا . مقامی لوگوں کا کہنا ہے کہ آج کل گھاس کاٹنے کا موسم ہے، یہ دونوں نوجوان بھی سیری چتر میں لائن آف کنٹرول کے قریب گھاس کاٹ رہے تھے، اس دوران یہ غلطی سے لائن آف کنڑول عبور کرگئے اور بھارتی فوج نے فائرنگ کرکے ان دونوں کو شہید کردیا . پولیس کے مطابق، دونوں نوجوان عام شہری اور غیرمسلح تھے، مقامی لوگوں نے بتایا کہ ان کے پاس صرف موبائل فون تھے . خیال رہے کہ کشمیر کو تقسیم کرنے والی لائن آف کنٹرول اس طرح ہے کہ یہ جاننا مشکل ہوتا ہے کہ کون سا علاقہ آزاد کشمیر کا ہے اور کون سا مقبوضہ کشمیر کا، یہی وجہ ہے کہ لوگ غلطی سے لائن آف کنٹرول عبور کرجاتے ہیں . ماضی میں ایسے بہت سے واقعات ہوئے جب دونوں جانب سے لوگوں نے غلطی سے لائن آف کنٹرول عبور کی . اگرچہ پاکستان نے ہمیشہ غلطی سے عبور کرنے والوں کو واپس بھیج دیا لیکن انڈین آرمی نے اکثر اوقات انہیں شہید یا گرفتار کیا . . .
