خیبرپختونخوا ، سرکاری اسکولز پبلک پرائیویٹ پارٹنرشپ کے تحت چلانے کے منصوبے کا آغاز

خیبرپختونخوا(قدرت روزنامہ)خیبرپختونخوا میں سرکاری اسکولز پبلک پرائیویٹ پارٹنرشپ کے تحت چلانے کے منصوبے کا آغاز ہو گیا۔
صوبائی محکمہ تعلیم نے 8 پرائمری اسکولز نجی شعبے کو دینے کے لئے درخواستیں طلب کرلی ہیں، ایبٹ آباد اور ہری پور 2 ،2 اور لکی مروت میں ایک اسکول پرائیویٹ پارٹنر شپ پر شروع کیا جائے گا۔
ڈیرہ اسماعیل خان اور دیر اپر میں ایک ایک سرکاری پرائمری اسکول پرائیویٹ پارٹنر شپ کے تحت چلایا جائے گا، پرائیویٹ پارٹنر سرکاری پرائمری اسکولز 10سال کیلئے کے لئے دئیے جائیں گے۔
محکمہ تعلیم خیبرپختونخوا کی دستاویز کے مطابق اسکولز کی مینجمنٹ کی ذمہ داری بھی پرائیویٹ پارٹنرز کی ہو گی، پارٹنر شپ پر دیے جانے والے اسکولوں کی عمارتیں نئی ہیں۔ پارٹنر شپ کے خواہش مند 10 اکتوبر تک درخواست دے سکتے ہیں۔