’مجھے خوشی ہے کہ میں نے فلم انڈسٹری سے زیادہ کپل شرما شو کو وقت دیا‘، ارچنا سنگھ نے ایسا کیوں کہا؟
ارچنا سنگھ نے اپنے کیریئر کا آغاز فلموں سے کیا وہ کئی کامیاب فلموں کا حصہ رہ چکی ہیں، جن میں جلوہ، اگنی پتھ، سوداگر، شعلہ اور شبنم، عاشق آوارہ، راجہ ہندوستانی اور کچھ کچھ ہوتا ہے شامل ہیں . ارچنا کا کہنا ہے کہ بطور اداکار وہ سمجھتی ہیں کہ انہیں دریافت کے عمل سے گزرنا چاہیے اس لیے وہ ابھی تک فلموں میں کام کر رہی ہیں کیونکہ نیٹ فلکس شو کے ساتھ انہیں دیگر پروجیکٹس کے لیے بھی وقت بھی مل رہا ہے، ان کا کہنا تھا کہ وہ اور دی گریٹ کپل شرما شو کی دیگر کاسٹ شو کے ساتھ ساتھ دیگر پروجیکٹس بھی ساتھ لے کر چل رہے ہیں جیسے سنیل (گروور) اپنی پنجابی فلم کے لیے جلد ہی لندن جا رہے ہیں . ارچنا نے مزید کہا کہ 4 دہائیوں سے زائد عرصہ گزر گیا ہے اور اس وقت وہ جس مقام پر ہیں اس سے مطمئن ہیں، انہوں نے مزید کہا کہ انہیں لگتا ہے اگر آپ کو کوئی کام نہیں ملا تو وہ آپ کے ہاتھ میں نہیں تھا لیکن کام مل جائے اسے اچھے طریقے سے کرنا اور نبھانا آپ کے ہاتھ میں ہے اس لیے آپ کو جو کچھ بھی ملے اسے پوری لگن کے ساتھ کریں . ارچنا سنگھ مزید کہتی ہیں کہ ان کا کیریئر بالی ووڈ کی کئی اداکاراؤں سے بہتر ہےکہ انہیں کامیڈی کے 15 سالہ طویل سفر سے لطف اندوز ہو نے کا موقع ملا اور اگر وہ فلم میں کام کر رہی ہوتیں تو شاید یہ سفر ابھی تک جاری نہ رہتا کیونکہ فملوں میں اتنا لمبا کیریئر مشکل ہے . ارچنا نےکہا کہ ایسی کون سی اداکارہ ہے جو ہیروئن رہ چکی ہے اور 40 سال تک کام رہی ہے ایسی اداکارائیں بہت کم ہیں لیکن انہیں آج بچہ بھی پہچانتا ہے اور اگر وہ اداکاری کر رہی ہوتیں تو 10-15 سال بعد شادی کر کے گھر بیٹھ جاتیں یا پروڈیوسر بن چکی ہوتیں لیکن کامیڈی ٹیم کا حصہ ہونے کے ناتے انہیں جو پیار ملتا ہے شاید وہ کبھی نہ ملتا . واضح رہے کہ دی گریٹ انڈین کپل شو کا سیزن 2 فی الحال نیٹ فلکس پر چل رہا ہے . . .
