پنجاب اور خیبرپختونخوا میں جنگی ماحول سے وفاق کو نقصان ہوگا، عظمیٰ بخاری
عظمی بخاری کے مطابق لاہور کے جلسے میں پنجاب پولیس کے پاس اسلحہ موجود نہیں تھا، اس لیے تو پولیس والوں کو زخمی کیا گیا، وزیر اعلیٰ خیبر پختونخوا کا بیان ہے کہ گولیاں چلا ئیں گے، عمران خان اپنے آپ کو بچانے کے لیے ملک کو نقصان پہنچا سکتا ہے، ریاست کو اس کے خلاف کوئی ایکشن لے لینا چاہیے . عظمیٰ بخاری کا کہنا تھا کہ آج ڈی جی ایف آئی اے نے عدالت میں پیش ہوکر اعتراف کیا ہے کہ ان کے پاس اتنے وسائل نہیں، مذکورہ کیس مخصوص شخصیت سے متعلق نہیں، 2 مہینے ہوگئے کوئی ریلیف نہیں ملا اور نہ ہی ویڈیو ہٹائی گئی ہے . منظم تحریک چلا کر لوگوں کی عزت اور ناموس پر حملے کیے جاتے ہیں، یہ فتنہ ملک سے باہر سے آپریٹ کیا جاتا ہے، پہلے مرحلے پر ان عناصر کی آئی ڈی بلاک ہوئی اور اب ان کی جائیداد کو قبضہ میں لیا جائے گا . ‘ عظمی بخاری کا کہنا تھا کہ سوشل میڈیا پلٹ فارمز کو ریگولیشن کے مطابق چلنا ہو گا ورنہ بند کر دی جائیں گی، سوشل میڈیا پر کوئی بھی سلامت نہیں ہے، جو بھی ایک فتنہ پارٹی کے خلاف بولے گا اس کو یہ سب سامنا کرنا پڑے گا، چیف جسٹس صاحبہ عورتوں کے حقوق کے لیے لڑر رہی ہیں، یہ عظمی بخاری کا کیس نہیں سب خواتین کا ہے . . .
