خیبر پختونخوا میں مالی سال کے پہلے 3 ماہ کے دوران ٹیکسز میں 41 فیصد اضافہ

دیکھنا ہوگا کہ پنجاب اور سندھ کی ٹیکس وصولی میں کتنا اضافہ ہوا ہے، مزمل اسلم
پشاور(قدرت روزنامہ)خیبر پختونخوا نے مالی سال کے پہلے 3 ماہ میں ریکارڈ 10 ارب 82 کروڑ روپے کے محصولات جمع کئے ہیں۔
مشیر خزانہ مزمل اسلم کے مطابق خیبر پختونخوا ریونیو اتھارٹی نے پہلے تین ماہ کے محصولات میں 41 فیصد اضافہ ریکارڈ کیا ہے۔ انہوں نے کہا کہ گزشتہ سال کی اسی مدت میں 7 ارب 69 کروڑ روپے کے مقابلے میں 10 ارب 82 کروڑ روپے جمع کئے گئے ہیں ۔
مشیر خزانہ نے کہا کہ دلچسپ یہ ہے کہ اسی مدت کے لیے ایف بی آر کی ٹیکس وصولی 25 فیصد رہی ۔اب دیکھنا ہوگا کہ پنجاب اور سندھ کی ٹیکس وصولی میں کتنا اضافہ ہوا ہے۔