پاکستان اسٹاک ایکسچینج ایک مرتبہ پھر تاریخ کی بلند ترین سطح پر آگیا

کراچی(قدرت روزنامہ) پاکستان اسٹاک ایکس چینج میں ہنڈریڈ انڈیکس 950 سے زائد پوائنٹس کی تیزی کے ساتھ تاریخ کی بلند ترین سطح 82ہزار 974 پر آگیا .
جمعرات کو کاروبار کے آغاز سے ہی ہنڈریڈ انڈیکس میں تیزی دیکھنے میں آئی اور اتار چڑھاو کے بعد انڈیکس میں 980 سے زائد پوائنٹس کا اضافہ دیکھا گیا .

واضح رہے کہ آئی ایم ایف سے قسط کی منظوری کے بعد پی ایس ایکس 100 انڈیکس میں کاروبار کا مثبت رجحان دیکھنے کو مل رہا ہے .
معاشی تجزیہ کاروں نے اسٹاک مارکیٹ میں مثبت رجحان کی مختلف وجوہات بتائی ہیں . انکا کہنا ہے کہ آئی ایم ایف سے معاہدہ، شرح سود میں کمی اور سرمایہ کاروں کا حکومت پر اعتماد جیسے عوامل شامل ہو سکتے ہیں .