پیٹرولیم مصنوعات کی قیمتوں میں 10 روپے سے زائد اضافے کا امکان
پیٹرولیم مصنوعات کی قیمتوں میں فی بیرل 7 ڈالر تک اضافہ ریکارڈ
اسلام آباد (قدرت روزنامہ)مشرق وسطیٰ کے بحران کی وجہ سے بین الاقوامی قیمتوں میں اضافے کی وجہ سے پیٹرولیم مصنوعات کی قیمتوں میں مسلسل کمی کے بعد اب اضافے کا رحجان ہے .
میڈیا رپورٹ کے مطابق پٹرول اور ہائی سپیڈ ڈیزل کی قیمتوں میں بالترتیب 5.50 روپے اور 13 روپے فی لیٹر اضافے کا تخمینہ لگایا گیا ہے، جس کا اطلاق 16 اکتوبر سے 31 اکتوبر کو ختم ہونے والے اگلے پندرہ دن تک ہوگا .
عالمی منڈی میں دو ہفتوں میں پیٹرول کی قیمت میں اوسطاً 2.8 ڈالر فی بیرل اور ہائی سپیڈ ڈیزل کی قیمت میں تقریباً 7 ڈالر فی بیرل کا اضافہ ہوا ہے . حتمی شرح مبادلہ کے حساب کتاب اور موجودہ ٹیکس کی شرحوں پر منحصر ہے، پیٹرول اور ایچ ایس ڈی دونوں کی قیمتوں میں 5.50 سے 13 روپے فی لیٹر اضافے کا امکان ہے .
بین الاقوامی مارکیٹ میں پیٹرول کی اوسط قیمت تقریباً 76 ڈالر فی بیرل سے بڑھ کر تقریباً 79 ڈالر فی بیرل ہوگئی ہے . ہائی اسپیڈ ڈیزل بھی پچھلے پندرہ دن میں 80.5 ڈالر سے تقریباً 87.5 ڈالر فی بیرل پر چلا گیا .
