ٹک ٹاک نے 6 ماہ میں پاکستان کی قابل رپورٹ 20 کروڑ ویڈیوز حذف کیں
اسلام آباد (قدرت روزنامہ)صارفین کے محفوظ اور مثبت تجربے کو فروغ دینے کے لیے جاری کوششوں کے سلسلے میں ٹک ٹاک نےسنہ 2024 کی دوسری سہ ماہی کے لیے کمیونٹی گائیڈ لائنز انفورسمنٹ رپورٹ جاری کردی۔
یہ رپورٹ پاکستان میں کانٹنٹ کو اعتدال پر لانے کے لیے پلیٹ فارم کے فعال نقطہ نظر پر روشنی ڈالتی ہے۔ مزید برآں یہ سہ ماہی رپورٹ پلیٹ فارم کی کمیونٹی گائیڈ لائنز کی خلاف ورزی کرنے پر رپورٹنگ کی مدت کے دوران حذف کے گئے کانٹنٹ اور اکاؤنٹس میں شفافیت کا جائزہ بھی فراہم کرتی ہے۔
اس سہ ماہی رپورٹ میں انکشاف کیا گیا ہے کہ رپورٹنگ کے حالیہ عرصے میں پاکستان میں ٹک ٹاک سے 30,709,744 سے زیادہ ویڈیوز کو حذف کیا گیا کیونکہ پلیٹ فارم اپنی متنوع کمیونٹی کے تحفظ کی غرض سے اپنے کانٹنٹ میں اعتدال کے نظام کو مضبوط بنا رہا ہے۔
اہم نتائج سے پتا چلتا ہے کہ اِن میں سے 99.5 فیصد ویڈیوز کو صارفین کی جانب سے رپورٹ کرنے سے پہلے ہی حذف کر دیا گیا جبکہ 97 فیصد کو 24 گھنٹوں کے اندر حذف کر دیا گیا۔ یہ اعداد و شمار ٹک ٹاک کے نقصان دہ کانٹنٹ سےپیش پیش رہنے اور پاکستانی صارفین کے لیے محفوظ پلیٹ فارم کو یقینی بنانے کے عزم کو اجاگر کرتے ہیں۔
ٹک ٹاک پر روزانہ ایک ارب سے زائد افراد کے وزٹ کرنے اور لاکھوں کانٹنٹ پوسٹ کیے جانے کے ساتھ پلیٹ فارم خودکار اعتدال پسندی کی ٹیکنالوجی کو ترجیح دینے اور اس میں اضافہ کرنے کا سلسلہ جاری رکھے ہوئے ہے۔
سنہ2024 کی دوسری سہ ماہی میں پلیٹ فارم نے 178,827,465 سے زیادہ ویڈیوز کو حذف کیا۔ اِن میں سے 144,430,133 کو آٹومیشن کے ذریعے حذف کیا گیا جس سے پلیٹ فارم کی جانب سے ریئل ٹائم میں نقصان دہ کانٹنٹ کو ختم کرنے کے لیے اپنی ڈیٹیکشن ٹیکنالوجی کے جدید استعمال کی نشاندہی ہوتی ہے۔
یہ تکنیکی ترقی ٹک ٹاک کو اُس کی اعتدال پسندی کی کوششوں میں اضافہ کرنے اور اپنی بڑھتی ہوئی عالمی برادری کے لیے ایک محفوظ ماحول برقرار رکھنے کے قابل بناتی ہے۔ ٹک ٹاک اب 98.2 فیصد پر فعال تشخیص کی شرح کے ساتھ صارفین کو اس کا سامنا کرنے سے پہلے نقصان دہ کانٹنٹ کو حذ ف کرنے میں پہلے سے کہیں زیادہ مؤثر ہے۔
رپورٹ میں بحال شدہ ویڈیوز کی تعداد میں 50 فیصد کمی پر بھی روشنی ڈالی گئی ہے جس سے ٹک ٹاک کے کانٹنٹ میں اعتدال کے نظام کی درستگی اور تاثیر کو تقویت ملتی ہے۔
چونکہ ٹک ٹاک اعتدال پسندی کے لیے جدید ترین ٹیکنالوجیز میں سرمایہ کاری جاری رکھے ہوئے ہے اس لیے شفافیت اور پلیٹ فارم کی حفاظت کی غرض سے اس کا عزم سب سے آگے ہے جو پاکستان اور عالمی سطح پر اپنے متنوع صارفین کی بنیاد کے لیے محفوظ ماحول کو یقینی بناتا ہے۔
سنہ2024 کی دوسری سہ ماہی کی رپورٹ کے بارے میں تفصیلی انسائٹس اور ٹک ٹاک کے کانٹنٹ کی ہدایات، ٹولز اور پالیسیوں کے بارے میں مزید معلومات کے لیے ٹک ٹاک کے ٹرانسپیرنسی سینٹر ملاحظہ کیا جاسکتا ہے جو اردو اور انگریزی دونوں زبانوں میں دستیاب ہے۔
