کراچی میں گرمی کی حالیہ لہر مزید 5روز تک برقرار رہنے کا امکان
کراچی(قدرت روزنامہ)شہر قائد میں گرمی کی حالیہ لہر مزید 4 سے 5 روز تک برقرار رہنے کا امکان ہے .
محکمہ موسمیات ارلی وارننگ سینٹر پیش گوئی کے مطابق دن کے وقت پارہ اوسط سے 3 تا 4 اضافے سے 38 ڈگری تک تجاوز کر سکتا ہے، سمندری ہوائیں غیر فعال جبکہ زیادہ تر شمال مشرق و شمال مغرب سے ہوائیں چلنے کا امکان ہے .
اگلے چند روز تک کراچی سمیت دیہی سندھ کے کچھ اضلاع کا موسم شدید گرم رہنے کا امکان ہے . سجاول، ٹھٹھہ، حیدرآباد، میرپور خاص، عمر کوٹ اور تھرپارکر بھی گرمی کی لپیٹ میں رہیں گے .
محکمہ موسمیات کا کہنا ہے کہ آج اور کل عمرکوٹ اور تھرپارکر میں آندھی کے ساتھ بارش کا امکان ہے .
