ایف آئی اے ٹرائل میں تاخیری حربے استعمال کر رہی ہے، وکیل صفائی
کراچی (قدرت روزنامہ)بچوں کی اسمگلنگ کے کیس میں عدالت نے صارم برنی کی درخواستِ ضمانت مسترد کردی .
ایڈیشنل ڈسٹرکٹ اینڈ سیشن جج شرقی نے بچوں کی اسمگلنگ اور دستاویزات میں ردوبدل کے مقدمے میں ملزم صارم برنی کی درخواست ضمامت مسترد کردی .
سیشن جج ایسٹ عثمان احمد خان نے بچوں کی اسمگلنگ اور دستاویزات میں ردوبدل کے مقدمے میں ملزم کی درخواست ضمانت پر فیصلہ سنادیا . عدالت نے ملزم صارم برنی کی درخواست ضمانت مسترد کردی .
وکیل صفائی نعیم قریشی نے مؤقف اختیار کیا کہ ایف آئی اے ٹرائل میں تاخیری حربے استعمال کر رہی ہے . 5 ماہ گزرنے کے باوجود تفتیشی افسر نے مقدمے کا چالان پیش نہیں کیا . جن بچوں کو اسمگل کرنے کا الزام ہے وہ کراچی میں موجود ہیں . استدعا ہے کہ صارم برنی ضمانت کے مستحق ہیں، ضمانت منظور کی جائے .
ایف آئی اے کے پراسیکیوٹر نے مؤقف اپنایا ت ھا کہ یہ معاملہ بہت حساس ہے، اس پر مختلف زاویوں سے تفتیش کی جارہی ہے . جیسے ہی تفتیش مکمل ہوگی، چالان پیش کردیا جائے گا . لہذا درخواست ضمانت مسترد کی جائے .
ایف آئی اے کے مطابق صارم برنی کو امریکا سے واپسی پر کراچی ائرپورٹ سے گرفتار کیا گیا تھا . ملزم کیخلاف ایف آئی اے نے مقدمہ درج کیا تھا .