پشاور میں خاتون کی بچوں سمیت پراسرار موت

پشاور(قدرت روزنامہ)پشاور میں ایک گھر سے 2 بچوں سمیت 3 افراد مردہ حالت میں پائے گئے . پولیس نے لاشیں تحویل میں لے کر تفتیش شروع کر دی .

پشاور کے علاقے فقیر آباد کے ایس پی بلال شاہ نے بتایا کہ فقیرآباد میں ایک گھر سے 3 افراد کی لاشیں برآمد ہوئی ہیں . جاں بحق ہونے والوں میں خاتون اور اس کے 2 بچے شامل ہیں .
پولیس کے مطابق اطلاع ملتے ہی پولیس ٹیم موقع پر پہنچ گئی . تینوں افراد مردہ حالت میں پائے گئے، پولیس ٹیم نے جائے وقوع سے شواہد اکٹھے کر کے لاشوں کو اسپتال منتقل کر دیا ہے .
ایس پی نے میڈیا کو بتایا کہ ابتدائی طور میں اموات کی وجہ زہریلا مواد معلوم ہوتا ہے . تاہم پولیس تفتش جاری ہے .
ایس پی کے مطابق پولیس ٹیم تمام پہلوؤں سے تفتیش کر رہی ہے . اور بیانات بھی قلمبند کیے جا رہے ہیں . جبکہ لاشوں کو پوسٹ مارٹم کے لیے اسپتال منتقل کیا گیا ہے .