خلیل الرحمان قمر ہنی ٹریپ کیس میں ملزمان کیخلاف چالان پیش نہ ہوسکا

اسلام آباد (قدرت روزنامہ)خلیل الرحمان قمر ہنی ٹریپ اور اغوا برائے تاوان کیس میں پولیس ایک مرتبہ پھر چالان عدالت میں پیش نہ کرسکی، تاہم لاہور پولیس نے مقدمے کا چالان جانچ پڑتال کے لیے پروسیکیوشن میں جمع کرا دیا ہے۔
لاہورکی انسداد دہشت گردی عدالت میں جاری خلیل الرحمان قمر ہنی ٹریپ اور اغوا برائے تاوان کیس کے اس چالان میں مرکزی ملزمان آمنہ عروج اور حسن شاہ سمیت 12 ملزمان نامزد ہیں۔
انسداد دہشت گردی عدالت نے ملزمہ آمنہ عروج سمیت 12 ملزمان کے جوڈیشل ریمانڈ میں 14 دنوں کی توسیع کرتے ہوئے پولیس کو تمام ملزمان کو 9 نومبر کو دوبارہ پیش کرنے کا حکم دیا ہے۔
کیس کے تفتیشی افسر کے مطابق پولیس پروسیکیوشن کی جانب سے ضروری جانچ پڑتال کے بعد چالان عدالت میں پیش کیا جائے گا۔