حکومت نے پاکستان میں چائے کی کم سے کم ریٹیل قیمت 1200 روپے فی کلو مقرر کردی

نیا نرخ ملک بھر میں درآمد کی جانے والی اور فراہم کی جانے والی چائے دونوں پر لاگو ہوگا
اسلام آباد (قدرت روزنامہ) فیڈرل بورڈ آف ریونیو (ایف بی آر) نے ملک میں چائے کی ریٹیل قیمت میں اضافے کا نوٹیفکیشن جاری کر دیا ہے۔
نوٹیفکیشن کے مطابق، یہ نیا نرخ ملک بھر میں درآمد کی جانے والی اور فراہم کی جانے والی چائے دونوں پر لاگو ہوگا۔ اس میں مزید کہا گیا ہے کہ چائے کی درآمد اور سپلائی پر سیلز ٹیکس مقررہ قیمت کی بنیاد پر وصول کیا جائے گا۔ اگر چائے کی قیمت ایف بی آر کی مقرر کردہ قیمت سے زیادہ ہوگی تو اضافی قیمت پر سیلز ٹیکس وصول کیا جائے گا۔
رپورٹس کے مطابق چائے کی کم سے کم قیمت 1200 روپے فی کلو مقرر کرنے سے چائے کی مارکیٹ میں مزید اضافے کا امکان ہے۔
پاکستان بیورو آف شماریات (پی بی ایس) کے اعدادوشمار کے مطابق، پاکستانیوں نے صرف دو ماہ (جولائی اور اگست 2023) میں 31 ارب روپے مالیت کی چائے استعمال کی ہے۔