100 روپےمالیت کے پرائز بانڈ رکھنے والوں کیلئے بڑی خوشخبری

اسلام آباد(قدرت روزنامہ) 100 روپے مالیت کے پرائز بانڈ رکھنے والے افراد کے لیے بڑی خوشخبری ہے کہ خوش نصیب جلد لکھ پتی بن سکتے ہیں۔
تفصیلات کے مطابق پاکستان میں شہری پرائز بانڈز کو سرمایہ کاری کے لیے ترجیح دیتے ہیں جس کی وجہ ان کی بنیادی رقم محفوظ رہنے کے ساتھ ہر تین ماہ بعد انعام ملنے کے امکانات سے ان کی سرمایہ کاری بڑھنے کا امکان ہوتا ہے۔
حکومت پاکستان کی جانب سے متعدد مالیت کے انعامی بانڈز متعارف کرائے گئے ہیں۔ ان میں 100، 750، 1500، 7500، 15000 مالیت کے پرائز بانڈز ہیں۔
نیشنل سیونگ ڈویژن نے 100 روپے مالیت کے پرائز بانڈز کی قرعہ اندازی کی تاریخ کا اعلان کر دیا ہے جو رواں ماہ جمعہ 15 نومبر کو ملتان میں ہوگی۔
اس مالیت کے پرائز بانڈ کا سب سے بڑا انعام 7 لاکھ روپے ہے۔ دوسرے انعام کی مالیت 2 لاکھ جب کہ عمومی انعام کی رقم ایک ہزار روپے ہے۔
واضح رہے کہ سینٹرل ڈائریکٹوریٹ آف نیشنل سیونگز نے 60 کی دہائی سے پرائز بانڈ اسکیم متعارف کروائی اور مرکزی بینک اس کے منیجر کے طور پر فرائض انجام دیتے ہیں۔
تین ماہ کے وقفے کے ساتھ نیشنل سیونگز قرعہ اندازی منعقد کرتا ہے اور جیتنے والے خوش نصیبوں کے نمبرز کا اعلان کیا جاتا ہے۔