5 کلو گھی و آئل کا پیک 100 روپے تک مزید مہنگا
لاہور(قدرت روزنامہ)اوپن مارکیٹ میں گھی مہنگا ہونے کا سلسلہ جاری ہے . دو ہفتوں میں تیسری مرتبہ گھی اور کوکنگ آئل مزید مہنگا ہوگیا .
درجہ دوم 12 کلو کوکنگ آئل کا پیک 85 روپے اور گھی پیک 50 روپے مہنگا ہوگیا جبکہ درجہ اول کا 5 کلو گھی اور آئل پیک 100 روپے تک مہنگا ہوگیا، غریب طبقہ سٹپٹا اٹھا .
درجہ دوم 12 کلو کوکنگ آئل کا پیک 5835 سے 6020 روپے کا ہوگیا . درجہ دوم آئل ہول سیل 502، پرچون میں 510 سے 515 روپے فی کلو ملے گا . درجہ دوم کا 12 کلو گھی پیک 50 روپے مہنگا ہوگیا .
درجہ دوم 12 کلو گھی پیک 5850 سے 5906 روپے کا ہوگیا . درجہ دوم گھی ہول سیل 493 اور پرچون میں 500 سے 502 روپے تک ملے گا جبکہ درجہ اول 5 کلو گھی پیک 100 روپے بڑھ کر 2675 سے 2775 روپے کا ہوگیا درجہ اول فی کلو گھی ہول سیل 555 اور پرچون میں 565 روپے تک ملے گا .
