الیکشن کمیشن کے معاندانہ رویے کیخلاف کے پی حکومت نے رٹ پٹیشن دائر کرنیکا فیصلہ کرلیا

اسلام آباد (قدرت روزنامہ)بیرسٹر ڈاکٹر سیف کے مطابق رٹ پٹیشن مخصوص نشستیں پی ٹی آئی کو نہ دینے کے خلاف دائر کیا جائیگا، ترجمان کے پی حکومت کے مطابق الیکشن کمیشن نے سپریم کورٹ کے اکثریتی فیصلے کے باوجود مخصوص نشستوں کا نوٹفیکشن جاری نہیں کیا ہے . بیرسٹر ڈاکٹر سیف کا کہنا ہے کہ خیبر پختونخوا کے سینیٹ کی سیٹوں پر انتخابات کے لیے شیڈول بھی تاحال جاری نہیں کیا گیا .

بیرسٹر ڈاکٹر سیف کے مطابق رٹ پٹیشن کی منظوری گزشتہ روز وزیراعلی کی زیرصدارت کابینہ اجلاس میں دی گئی، کابینہ نے پٹیشن دائر کرنے کے لئے ایڈوکیٹ جنرل کو اجازت دیدی . بیرسٹر ڈاکٹر سیف کے مطابق سپریم کورٹ کے 8 ججز نے مخصوص نشستیں پی ٹی آئی کو دینے کا فیصلہ کیا ہے . الیکشن کمیشن پہلے تاخیری حربے استعمال کررہا تھا اب کھلم کھلا سپریم کورٹ کے احکامات کی خلاف ورزی کررہا ہے . بیرسٹر ڈاکٹر سیف کا کہنا ہے کہ الیکشن کمشنر کے متعصبانہ رویے نے پی ٹی آئی کو ناقابل تلافی نقصان پہنچایا ہے، اعلیٰ عدلیہ کی حکم عدولی پر الیکشن کمشنر توہین عدالت اور آرٹیکل 6 کے مرتکب ہوچکے اسلام آباد (قدرت روزنامہ)ہیں . . .