اسٹاک مارکیٹ تاریخ میں پہلی بار 93 ہزار پوائنٹس کا سنگ میل عبور کر گئی
اسلام آباد (قدرت روزنامہ)کاروباری ہفتے کے آخری روز پاکستان اسٹاک ایکسچینج نے نئی تاریخ رقم کر دی،جہاں اسٹاک مارکیٹ تاریخ میں پہلی بار 93 ہزار پوائنٹس کا سنگ میل عبور کر گئی .
معاشی ماہرین کی جانب سےپاکستان کی ریٹنگ بڑھنے کا روشن امکان اور معاشی بہتری مارکیٹ میں تیزی کی وجہ قراردیا جارہا ہے،کاروبار کے آغاز پر پاکستان اسٹاک ایکسچینج میں مثبت رجحان دیکھا گیا،جہاں100 انڈیکس 250 پوائنٹس بڑھ کر 92770 پوائنٹس پر ٹریڈ میں رہی .
گزشتہ روزکاروبار کے اختتام پر اسٹاک مارکیٹ 92 ہزار 520 پوائنٹس پربند ہوئی تھی، دوسری جانب انٹربینک میں ڈالرکی قدرمیں 20 پیسےکی کمی ریکارڈ کی گئی ہے،انٹربینک میں ڈالر 277 روپے 75 پیسے پر آگیا . معاشی ماہرین کا کہنا ہے کہ ترسیلات زر میں اضافے اور کرنٹ اکاؤنٹ سرپلس ہونے سے روپیہ مظبوط ہوا . . .
