’مشی خان نے یہ سب وائرل ہونے کے لیے کیا‘ صارفین نے کڑی تنقید کیوں کی؟

اسلام آباد (قدرت روزنامہ)اداکارہ و ٹی وی میزبان مشی خان اپنے لائیو شو میں مہمانوں کے ہمراہ سیلفی لیتے ہوئے کرسی سے گر گئیں جس کی ویڈیو سوشل میڈیا پر وائرل ہو گئی۔
ویڈیو میں دیکھا جا سکتا ہے کہ اداکارہ فون نکال کر سیلفی لینے کی کوشش کرتی ہیں لیکن وہ اپنا توازن برقرار نہیں رکھ سکتیں اور کرسی سے نیچے گر جاتی ہیں۔
مشی خان کرسی سے گرنے پر جہاں ہنس پڑتی ہیں، جس پر سیٹ پر موجود ایک شخص فوری ان کی مدد کو آیا اور ان کی خیریت دریافت کی جس پر مشی خان صوفے پر بیٹھ کر ہنسنے لگیں اور شرمندہ ہوتے ہوئے انتظامیہ سے کہا کہ آپ لوگ میرے ساتھ جلدی نہ کیا کریں۔ اور پوچھتی ہیں کیا میں بری طرح تو نہیں گری۔
مشی خان کی ویڈیو پر صارفین کی جانب سے مختلف تبصرے کیے گئے کئی صارفین نے ان کی خیریت پوچھی تو وہیں چند صارفین نے کہا کہ مشی خان نے گرنے کی اداکاری کی ہے۔
ایک صارف نے ویڈیو شیئر کرتے ہوئے لکھا کہ مشی خان کے ساتھ موئے موئے ہو گیا۔
عدیل آصف نے دعویٰ کیا کہ مشی خان کے پروگرام کا پروڈیوسر ان کے جاننے والا ہے اور اس نے بتایا کہ مشی خان نے یہ اسٹنٹ وائرل ہونے کے لیے کیا ہے۔
علیشبا ملک لکھتی ہیں کہ انہیں آج تک کسی کے گرنے پر ہنسی نہیں آئی لیکن مشی خان کو گرتے دیکھ کر بہت ہنسی آ رہی ہے۔