آواران، نامعلوم افراد کا لیویز چوکی پر حملہ، اسلحہ و سامان اپنے ساتھ لے گئے

آواران(قدرت روزنامہ)نامعلوم مسلح افراد کا گیشکور ھور لیویزچوکی پر حملہ، اسلحہ و سامان اپنے ساتھ لے گئےلیویز ذرائع کے مطابق ضلع آواران کے علاقے گیشکور ھور لیویز چوکی پر نامعلوم مسلح افراد نے چاروں اطراف سے گیرے میں لیکر حملہ کیا لیویز نے جوابی فائرنگ کی زبردست فائرنگ کے بعد لیویز کے گولیاں ختم ہونے کے باعث حملہ آور چوکی میں داخل ہوئے اور موجود لیویز اہلکاروں سے اسلحہ ( چار ایس ایم جی اور چار جی تھری) اور دیگر سامان اپنے ساتھ لے گئے۔ لیویز ذرائع کے مطابق مسلح افراد کی تعداد کم از کم بیس (20) تھی۔ تاہم اس دوران کوئی جانی نقصانات کی اطلاعات موصول نہیں ہوئی ۔