سونے کی قیمت میں اچانک بڑا اضافہ

فی تولہ سونا 1400 مہنگا ہو کر 2 لاکھ 71 ہزار 900 روپے فی تولہ ہو گیا
کراچی (قدرت روزنامہ)سونے کی عالمی اور مقامی قیمتوں میں گزشتہ روز ہونے والی بڑی کمی کے بعد آج قیمتوں میں ایک بار پھر اضافہ ہوگیا۔
مقامی صرافہ بازاروں میں بدھ کے روز 24 قیراط کے حامل فی تولہ سونے کی قیمت میں 1400 روپے کا اضافہ ریکارڈ ہوا، جس کے بعد نئی قیمت 2 لاکھ 71 ہزار 900 روپے فی تولہ ہو گئی۔ اسی طرح ملک میں فی 10 گرام سونے کی قیمت میں بھی 1200 روپے کا اضافہ ہوا، جس سے نئی قیمت 2 لاکھ 33 ہزار 111 روپے فی 10گرام ہو گئی۔
دریں اثنا ملک میں سونے کی قیمت میں اضافے کے برعکس فی تولہ چاندی قیمت بغیر کسی تبدیلی کے 3250روپے اور 10گرام چاندی کی قیمت بھی بغیر کسی تبدیلی کے 2786روپے کی سطح پر مستحکم رہی۔
بین الاقوامی بلین مارکیٹ میں فی اونس سونے کی قیمت میں 14ڈالر کا اضافہ ہوگیا، جس کے نتیجے میں نئی عالمی قیمت 2607ڈالر فیا ونس کی سطح پر آگئی ۔