دکی: تعمیراتی کیمپ پر نامعلوم افراد کا حملہ، 3 مزدور اغوا

دکی(قدرت روزنامہ) بلوچستان میں نامعلوم مسلح افراد نے منگل کی شب رات گئے دکی میں 11 کلومیڑ کے فاصلے پر واقع زیر تعمیر نیو ڈسٹرکٹ کمپلیکس کے علاقے میں غڑواس کے مقام پر تعمیراتی کیمپ پر حملہ کیا .
مسلح افراد نے کمیپ میں موجود سامان کو آگ لگاکر نزر آتش کردی .

آگ لگانے سے جرنیٹر اور دیگر سامان جل کر خاکستر ہوگیا ہے ' .
ایس ایچ او دکی ہمایوں خان ناصرنے کہاہے کہ حملے کے بعد کمیپ میں کام کرنے والے تین مزدور بھی لاپتا ہیں . لاپتا ہونے والے مزدوروں میں نصیب اللہ ولد جمعہ خان ، نور محمد ولد سفر خان اور حکمت اللہ ولد عمر خان شامل .
لاپتا مزدوروں کا تعلق کچلاک سے ہے . تینوں لاپتا مزدور دکی تا چمالنگ زہر تعمیر روڈ پر کام کررہے تھے . لاپتا ہونے والے مزدور پشتون اور مریانی قوم سے تعلق رکھتے ہیں .
ابھی تک یہ معلوم نہیں ہوسکا ہے کہ مزدور لاپتہ ہیں یا اغواکئے گئے ہیں . تعمیراتی کمپنی سے دو کلومیڑ کے فاصلے پر غڑواس لیویز تھانہ بھی واقع ہے .