ایل پی جی کی قیمت 350 روپے فی کلو سے متجاوز

لاہور (قدرت روزنامہ)لاہور میں ایل پی جی کی قیمت 350 روپے فی کلو سے تجاوز کر گئی۔
چیئرمین ایل پی جی ڈیلرز ایسوسی ایشن کے مطابق ایل پی جی کی بلیک مارکیٹنگ جاری ہے، انتظامیہ کسی کے خلاف کوئی ایکشن نہیں لے رہی۔
چیئرمین ایل پی جی ڈیلرز ایسوسی ایشن کا کہنا ہے کہ کسی جگہ بھی ایل پی جی سرکاری قیمت پر دستیاب نہیں، گیس مافیا کے سامنے حکومت بے بس ہو کر رہ گئی ہے۔
ایسوسی ایشن کے رہنما نے کہا ہے کہ پہاڑی علاقوں میں گیس 400 روپے فی کلو پر فروخت ہو رہی ہے۔